Om www.vallemal.no

Eigarskap

Valle Mållag har opphavsrett til innhaldet på internettsida og styrer prosjektet økonomisk. Alt arbeid er utført på dugnad. Internettsida vart offisielt opna 13. oktober 2005. Bjørgulv Holen er eigar av dataprogrammet som er laga spesielt for Valle Mållag. Valle Mållag kan nytte dataprogrammet vederlagsfritt.

Leiing av talemålsgruppa, gjennomarbeiding av stoffet og korrektur

Sigurd Brokke, Knut K. Homme og Olav T. Åkre. Svein Jore var med i leiargruppa fram til han døydde 9. desember 2006. Leiarane har i lange periodar arbeidd mange kveldar i veka med dette prosjektet. Å fastsetje stavemåtar og lage døme på bruk av ord i setningar har vore mykje tidkrevjande. Lydinnspeling og fotografering har også teke mykje tid. Leiarane samlast 1-2 kveldar i veka for å fylle ut alle former av orda i detaljbiletet og for å korrekturlese innhaldet. Det er vanleg å "klargjere" om lag 20 ord på 3 timar. Leiarane styrer møta i talemålsgruppa og har kome med innspel i arbeidet med å lage dataprogrammet. Bjørgulv Holen har heile tida vore ein umåteleg aktiv og dyktig medspelar i mest alle sider av prosjektet.

Talemålsgruppa

Olav J. Rysstad (f. 1927) Ingebjørg Vegestog Homme (f. 1930) Knut K. Homme (f. 1938) Olav T. Åkre (f. 1941) Gunhild Espetveit (f. 1944) Sigurd Brokke (f. 1971) Torleiv T. Harstad (1918 - 2009), Tarald D. Homme (1922 - 2009), Kjetil Brottveit (1924 - 2009), Ånund G. Helle (1924 - 2010), Olav J. Haugeland (1935 - 2007), Liv Helga Brokke (f. 1950), Svein Jore (1953 - 2006), Niklos K. Besteland (f. 1953), Eli Føreland (f. 1956), Anne B. Homme (f. 1949) og Torbjørg Harstad (f. 1956) har tidlegare vore med i talemålsgruppa. Talemålsgruppa har vore samla annankvar onsdagskveld frå september til mai, frå og med hausten 2002. Mange av deltakarane møter opp på kvar einaste samling. Fast møtestad er formannskapssalen i Valle kommunehus. Hylestad soknehus vart bruka fram til oktober 2004. Gamle ord og uttrykk vert diskuterte på møta. Sigurd Brokke styrer PC-en, og ser etter om orda som deltakarane kjem med, allereie ligg i ordlista. Ein av leiarane skriv referat frå møtet. Etter møtet registrerer Sigurd dei nye orda inn i datasystemet og fyller ut dei fleste rubrikkane i detaljbiletet. Svein Jore og Bjørgulv Holen har tidlegare hatt denne registreringsoppgåva. I tillegg til ord som deltakarane har kome med, har gruppa diskutert ordlistene i "Gamalt or Setesdal" (av Johannes Skar, 1837-1914) og "Arven" (av Jon Bjørgulvson Rysstad, 1877-1966). Dei private ordsamlingane til Knut K. Homme og Olav O. Holen (f. 1929) har vore til stor nytte. Fram til mars 2010 har alle ord og uttrykk som har vorte registrerte vore godkjende "i levande bruk i manns minne" av ein eller fleire av deltakarane i Talemålsgruppa. Seinare har ein òg av og til registrert ord og uttrykk som Talemålsgruppa ikkje har høyrt. Føresetnaden er at orda kjem frå ordlister som er nedskrivne av eldre, pålitelege kjelder. I7. mai 2011 fekk Valle Mållag Valle kommune sin kulturpris for innsatsen innan dialektarbeid.

Datasystem

Laga av Bjørgulv Holen. Webdesign: Vidar Strisland og Bjørgulv Holen.

Bilete / teikningar

Dato og kjelder er notert ved kvart einskilt bilete.

Lydfiler

Innspeling: Sigurd Brokke. Redigering: Bjørgulv Holen. Innlesar og årstal er notert ved kvar einskild lydfil.

Kjelder

Torleiv Hannaas (1874 - 1929) - "Norske Bygder - Setesdalen" (ca. 1920) Tarald Nomeland (1900 - 1987) - "Bygdesogeskrifter frå Valle og Hylestad" (1983) og frå setelarkivet i "Norsk Ordbok". Torjus Åkre (1897 - 1990) - "Bygdesogeskrifter frå Valle og Hylestad" (1983) Norsk ordbog av Ivar Aasen Hans Ross' ordbok Ordlista i Gamalt or Sætesdal (Johannes Skar) har vore bruka som kontrollfunksjon ved somme høve.